ပုံပြင်ထဲကိုဝင်ဖို့အတွက် ကျုပ်ဟာ သက်တောင့်သက်သာပဲ အသင့်ဖြစ်ခဲ့ပါတော့တယ်။

2။ ပုံပြင်ထဲက ၀ံပုလွေ
ကျွန်တော်ပုံပြင်ထဲ ၀င်တဲ့နေ့မှာ ပုံပြင်ထဲက ပတ်ဝန်းကျင်တစ်ခုလုံး အရိုင်းဆန်ဆန် လင်းချင်း လှပနေတော့တယ်။ ၀ံပုလွေတစ်ကောင် သူ့ထဲဝင်လာတာကို ပုံပြင်ဟာ လှလှပပ ကြိုဆိုတယ်။ ပတ်ဝန်းကျင်ကို ဝှေ့ကြည့်ပြီး ကျွန်တော် လေကို တစ်ဝကြီး ရှုသွင်းလိုက်တယ်။ ခုပဲ လေထဲ မှာတောင် ကျွန်တော့်အောင်မြင်မှုရဲ့ ရနံ့တွေ ရလိုက်သလိုပါပဲ။
သာယာလွန်းတဲ့ ပတ်ဝန်းကျင်ရှိတဲ့ ပုံပြင်ဟာ ကျွန်တော့်ကို စိတ်ကျေနပ်မှု အပြည့်ပေးခဲ့တယ်။ အခု ဒီပုံပြင်ထဲကို ရောက်ရတာဟာ အစဉ်အလာမှာ မှားယွင်းခဲ့တဲ့ ကိစ္စတစ်ခုကို ပြင်ဖို့။ ကံကြမ္မာနဲ့ မုဆိုးကို ပြိုင်ပွဲတစ်ခုလို ယှဉ်ဖို့… ဖြစ်ပေမယ့် ကိစ္စက သိပ်လွယ်လွန်းတော့ ကျွန်တော့်မှာ စိတ်တောင် သိပ်မပါချင်ပါဘူး။ ၀တ္တရားရှိပါတယ်လေ ဆိုပြီးတော့ ကိစ္စကို မြန်မြန်လက်စသိမ်းဖို့ လုပ်ရတော့တယ်။
အရင်ဆုံး ကျွန်တော်ဟာ သိုးအုပ်ကို ရှာကြည့်တယ်။ သိပ်မခက်ခဲလိုက်ပါဘူး။ တောင်ခြေတစ်ခုမှာ ၀ိုင်းဖွဲ့ရပ်နေတဲ့ သိုးတွေကို တွေ့ရတော့တာပဲ။ တကုန်းကုန်းနဲ့ နေနေလိုက်ကြတာများ သိပ်နုံအတဲ့ကောင်တွေဖြစ်မှန်း သိသာလွန်းလှပါတယ်။ ဒီကောင်တွေလောက်များ ငါ့မှာ မိန်းမလို မိန်းမရ ဟန်ဆောင်နေစရာတောင် မလိုပါဘူးကွာလို့ တွေးလိုက်မိပေမယ့် လုပ်နိုင်တယ်ဆိုတာကို ပြဖို့အတွက် တစ်ခါတည်း ၀င်ဆွဲပစ်ချင်တဲ့စိတ်ကို ဖျောက်လိုက်ရပါတယ်။
အဲဒါနဲ့ သိုးအရေခြုံဖို့ကိုသာ ကျွန်တော် လုပ်ရတော့တယ်။ သိုးအရေခြုံမိတဲ့အခါကျတော့ သိုးနံ့ကလည်း နံ၊ အိုက်ကလည်း အိုက်တာနဲ့ ဆက်မလုပ်တော့ဖို့ စဉ်းစားမိသေးတယ်။ သိုးအုပ်ဆီ ဆင်းလာမိတဲ့ အခါကျတော့မှဘဲ ငါဟာ အမှားအယွင်းကြီး တစ်ခုကို ပြောင်းလဲနိုင်တော့မှာ ပါလားဆိုတဲ့ အသိနဲ့ ပြန်လည် တက်ကြွမိပါတော့တယ်။
သိုးအုပ်တွေဆီ ကျွန်တော် ချဉ်းကပ်သွားရင်းနဲ့ သိပ်တောင် မလေ့လာလိုက်ရဘူး။ မုဆိုးရှိနေတာကိုလည်း ခပ်လွယ်လွယ် မြင်သိလိုက်ရတယ်။ သူဟာလည်း ပုံပြင်ထဲက မုဆိုးဆိုတော့ ပုံပြင်ထဲက အတိုင်းပေါ့။ သိုးအုပ်ကို လာဖမ်းတဲ့ဝံပုလွေကို လှံနဲ့ပစ်ဖို့ ခြုံတစ်ခုထဲမှာ ငုတ်တုပ်လေး။ ပုံပြင်အရဆိုရင်တော့ သူဟာ သိုးအုပ်ထဲမှာ ရှိနေတဲ့ ကျွန်တော့်ကို သိုးအမှတ်နဲ့ ပစ်အလိုက်မှာ ကျွန်တော်က သေကျေခဲ့ရတယ်ပေါ့။ ဒါပေမယ့် အခုမှာတော့ မင့်ကံဆိုးတော့မယ် မုဆိုးရေ.. လို့ တွေးပြီး ကျွန်တော် ရယ်တောင် ရယ်ချင်သွားမိတယ်။
ကျွန်တော့်ရဲ့ အကြံအစည်က ကျွန်တော်ဟာ သိုးအုပ်ထဲ ၀င်လာပြီး ခပ်ဆူဆူဖြိုးဖြိုး သိုးတစ်ကောင်ကို ရှာမယ်။ ပြီးတော့ အသာလေး ကိုက်သတ်ရင်း မုဆိုးက လှံနဲ့ လှမ်းပစ်မှာကို ရအောင် ရှောင်ပြပြီး သိုးကို ကိုက်ချီထွက်ခဲ့မယ်ပေါ့။ ကျွန်တော့် မျက်စိနဲ့ နားကိုတော့ ရှင်ရှင်ထားနေပါတယ်။ မုဆိုးက အချိန်မရွေး လှံနဲ့ ပစ်လိုက်နိုင်တယ် မို့လား။
ဒါပေမယ့် သိပ်မကြာလိုက် ခင်မှာပါပဲ ခပ်လွယ်လွယ်နဲ့ ကျွန်တော်စားဖို့ ရည်ရွယ်မဲ့ ဆူဆူဖြိုးဖြိုး သိုးတစ်ကောင်ကို ရှာတွေ့တယ်။ အဲဒီကောင်ဟာ ကျွန်တော့်ကို ကျောပေးထားတယ်။ အ.ပုံလည်း ရတယ်။ သူ့နား ဒီလောက် ကပ်တာတောင် ကျွန်တော့်ရဲ့ အနံ့ကို သူမရတဲ့အတွက် သူ့ကို ကျွန်တော် အလွယ်တကူ ဖမ်းနိုင်မယ်လို့ ထင်ပါတယ်။
အားလုံး အသင့်ပြင်ထားပြီးတဲ့ အခါကျတော့မှ မုဆိုးကို ကျွန်တော် စောင့်ဆိုင်းနေလိုက်တယ်။ ကျွန်တော့် သဘောက မုဆိုးက လှံနဲ့လှမ်းပစ်မှ သိုးကို ဂုတ်က ကိုက်ချီပြီး လှလှပပလေး လွတ်ထွက်သွားပြမယ်ပေါ့။ ဒါပေမယ့် အချိန်တွေသာ ကုန်လာတယ်။ မုဆိုးဘက်က လှုပ်ရှားမှုကို လုံးလုံးမစသေးတဲ့အတွက် ကြာတော့ ကျွန်တော် စိတ်မရှည်နိုင် ဖြစ်လာရတယ်။ ခပ်မြန်မြန်ပြီးသွားရမဲ့ ကိစ္စကို ဒင်းလုပ်တာနဲ့ အချိန်တွေ ကြာရတယ်လို့ ငြူဆူလာမိပါတယ်။ ခဏနေတဲ့အထိ မုဆိုးက မလှုပ်ရှားတဲ့အခါမှာတော့ ကျွန်တော် သူ့ကို စောင့်မနေနိုင်တော့ပါဘူး။ သူ့ဟာသူ ပစ်ပစ် မပစ်ပစ် ကျွန်တော် သိုးကို ကိုက်ချီသွားဖို့ကိုသာ စဉ်းစားမိတော့တယ်။ သူ့ လှံတံကို လက်မတင်လေး မရှောင်ပြလိုက်ရပေမယ့် သိုးအုပ်ထဲကို သိုးယောင်ဆောင်ဝင်ပြီး သိုးတစ်ကောင် ဖမ်းပြနိုင်တယ်ဆိုရင်လည်း ပြီးတာပဲ မဟုတ်လား။
အဲဒါကြောင့်မို့ ကျွန်တော်ဟာ မုဆိုးကို သိပ်အရေးမထားတော့ဘဲ သိုးဖမ်းဖို့ကိုသာ အားစိုက်လိုက်တော့တယ်။ သတိကတော့ ဆက်ထားနေတုန်းပဲပေါ့။ မုဆိုးရဲ့ ကျွန်တော် ဇိဝိန်ကို ချွေနိုင်တဲ့ လှံက အနားမှာတင် မဟုတ်လား။ အဲဒီလိုနဲ့ ကျွန်တော်ဟာ မူလရည်ရွယ်ထားတဲ့ ဆူဆူဖြိုးဖြိုး သိုးဆီကို အနီးဆုံး တိုးသွားလိုက်တယ်။ တော်တော်လေး နုံပုံရတဲ့သိုးဟာ ခုထိပဲ လုံးဝမသိပါဘူး။ ကျွန်တော့်ကို လည်စင်းပေးသလို ဖြစ်နေတဲ့ အဲဒီကောင်ကို သနားတောင် သနားမိတယ်။ ဒီလိုနဲ့ပဲ ကျွန်တော်ဟာ အဲဒီသိုးကို ကိုက်ချီဖို့ လုပ်လိုက်မိပါတယ်။
ဒါပေမယ့် အဲဒီအချိန်မှာပဲ ကျွန်တော် ထူးခြားချက်တစ်ခုကို သတိပြုမိတယ်။ အဲဒါကတော့ ဒီသိုးဟာ တစ်မျိုးဖြစ်နေတာပါပဲ။ သိုးဟာ အနီးကပ်လိုက်တော့မှ ဆူးဖြိုးတာ မဟုတ်ဘဲ အနည်းငယ်လိုလို ပွယောင်းယောင်း ဖြစ်နေတယ်။ ကြည့်ရတာလည်း တစ်မျိုးပဲ။ ကျွန်တော့်စိတ်ထဲ မသိုးမသန့်ဖြစ်လာတာနဲ့ ခဏရပ်လိုက်မိတယ်။ နောက်ပြန်ကိုက်မလို့ လုပ်လိုက်၊ ပြီးတော့ ဝေခွဲမရဖြစ်လိုက်နဲ့ နောက်ဆုံးကျမှ စိတ်ရှင်းအောင် သိုးကို သေသေချာချာ ဆန်းစစ်ကြည့်ဖို့ ဆုံးဖြတ်လိုက်မိပါတော့တယ်။
ကျွန်တော်ဟာ ငြိမ်နေတဲ့ သိုးရဲ့ အရှေ့ဘက်ဆီကို သွားလိုက်တယ်။ သိုးနဲ့ ကျွန်တော် မျက်နှာချင်းဆိုင်ဖို့ ပြင်လိုက်တယ်။ ပြီးတော့ .. ။ မျက်နှာချင်းဆိုင်မိကြတယ်ဆိုရင်ပဲ ကျွန်တော့် တစ်ကိုယ်လုံး ဆက်ကနဲ တုန်သွားမိပါတော့တယ်။
ဘာကြောင့်လဲဆိုတော့ ကျွန်တော်ဖမ်းဖို့ ရည်ရွယ်မိတဲ့ သိုးဟာ မယုံနိုင်စရာ ကောင်းလောက်အောင်ပဲ ၀ံပုလွေတစ်ကောင်သာ ဖြစ်နေတာကြောင့်ပါ။ ကျွန်တော့်လို သိုးရေခြုံထားတဲ့ အဲဒီဝံပုလွေကို မြင်တဲ့အခါ ကျွန်တော် အရမ်းပဲ စိတ်ဓာတ်ကျသွား ခြောက်ခြားသွားခဲ့တာဟာ ဘယ်လိုမှ ဣနြေ္ဒဆောင်လို့ မရပါဘူး။ ဒါ ဘယ်လိုများ ဖြစ်ရတာလဲ။ ကျွန်တော့်ကိုယ် ကျွန်တော်မေးခဲ့မိတယ်။ အဖြေက မရှိပါဘူး။ အချိန်ကလည်း တရွေ့ရွေ့နဲ့ တော်တော်လင့်နေပါပြီ။ ဒီလိုနဲ့ မထူးတော့ပြီမို့ စိတ်ကို ပြန်ထိန်းပြီး တခြားရှိနေတဲ့ သိုးတွေဆီ လှည့်ရပါတော့တယ်။
ဒီတစ်ခါလည်း သိပ်မခက်ခဲလှပါဘူး။ လွယ်လွယ်ပဲ ဆူဆူဖြိုးဖြိုး သိုးတစ်ကောင်ကို ရှာတွေ့တယ်။ အဲဒီလိုတွေ့တာနဲ့ တစ်ပြိုင်တည်းပဲ သူ့ရဲ့ ထူးခြားနေမှုကိုလည်း သတိပြုသွားမိပါတယ်။ စိုးရိမ်ထိတ်လန့် စိတ်တွေနဲ့ အဲဒီသိုးဆီ ကြည့်တော့လည်း သူဟာ ၀ံပုလွေတစ်ကောင်သာ ဖြစ်နေပြန်ပါတယ်။
ညှိုးငယ်နေတဲ့ စိတ်နဲ့ နောက်ထပ် သိုးတွေဆီကို ကျွန်တော် လှည့်မိတော့တယ်။ တစ်ကောင်ပြီး တစ်ကောင် အဆူဖြိုးရင်လဲနေ ရရာကို ဖမ်းတော့မယ်ဆိုတဲ့ စိတ်နဲ့ ဘယ်လိုပဲ ရှာဖွေခဲ့လဲ ၀ံပုလွေတွေကိုသာ တွေ့ခဲ့ရတယ်။ ဆိုးရွားလွန်းလှတာပါပဲ။ ပင်ပန်းကြီးစွာနဲ့ ကျွန်တော်ဟာ သိုးအုပ်တစ်ခုလုံးကို လှည့်ခဲ့ပေမယ့် သိုးဆိုလို့ တစ်ကောင် တစ်မြီးမှကို မတွေ့မိဘဲ ၀ံပုလွေကိုသာ တွေ့ရတယ်။ သိုးတစ်အုပ်လုံးဟာပဲ ၀ံပုလွေတွေ ဖြစ်နေခဲ့ပါတယ်။
ငါ ဘာလုပ်ရမလဲလို့ပဲ ကိုယ့်ကိုယ်ကို မေးမိတယ်။ ဟီးချ ပြီးတော့ပဲ ငိုရမလား။ ၀မ်းပဲ သာရမလေမလားတွေးရင်း နောက်ဆုံး သေချာသွားမိတာကတော့ ကျွန်တော်ရှုံးပြီး ဆိုတာပါပဲ။ ကျွန်တော်ဟာ သိုးလေးတစ်ကောင်ကိုတောင်မှ အောင်အောင်မြင်မြင် ဖမ်းဆီးနိုင်သူ မဖြစ်တော့ပါဘူး။
ချက်ချင်းပဲ ကျွန်တော့်မှာ အနာဂတ်ပျောက်သွားသလို ခံစားမိတယ်။ အဲဒီအချိန်ကျမှပဲ မုဆိုးရဲ့လှံချက်က ရောက်လာပါတော့တယ်။ ကျွန်တော် မရှောင်မိဘူး။ ရှောင်နိုင်ဖို့လည်း အားမရှိဘူး။ စိတ်မသက်သာစွာနဲ့ပဲ ကျွန်တော်ဟာ မုဆိုးရဲ့ လှံဖျားမှာ အသက်ပါခဲ့ရ ပါတော့တယ်။
ပုံပြင်ထဲက မုဆိုး
ကျွန်တော်ဟာ ဘ၀ကို ပုံပြင်ထဲက အတိုင်း တိတိကျကျ လျှောက်လှမ်းသူပါ။ မုဆိုးဖြစ်တဲ့အတိုင်း သားကောင်ကို ဖမ်းဖို့သာ ရည်ရွယ်ခဲ့တယ်။ ကျွန်တော် ဖမ်းချက်တာကတော့ သိုးတစ်ကောင်ပါ။ သိုးရေခြုံထားတဲ့ အဲဒီဝံပုလွေကို မဖမ်းမိခင် အချိန်တုန်းက ကျွန်တော်ဟာ သူ့ကို သိုးတစ်ကောင်လို့ပဲ ထင်နေမိတယ်။ သူဟာ သိုးအုပ်ထဲမှာ ရောနေတဲ့အတွက် သိုးတစ်ကောင်က လွဲရင်လည်း ဘာဖြစ်နိုင်မှာမို့လဲ။ နောက်ပြီး သူ့ပုံစံက အတော်လည်း ရိုးပုံ၊ အ.ပုံ ရပါတယ်။ ဒါကြောင့်မို့လည်း သူ့ကို သိုးလို့သာ ထင်ခဲ့မိတယ်။
ဒါပေမယ့် သူ့ကို လှံနဲ့ မပစ်ခင်မှာ ကျွန်တော်ဟာ အကြောင်းတစ်ခုကြောင့် အကြာကြီး တွေဝေနေခဲ့ပါတယ်။ နောက်တော့မှ ခေါင်းထဲက အတွေးကို နှင်ထုတ်ပြီး ပစ်လိုက်ရတယ်။ လှံချက် ထိလို့ လဲကျသွားတဲ့ အခါကျတော့ ကျွန်တော် အပြေးပဲ သွားကြည့်မိတယ်။ ကျွန်တော့်ရင်ထဲကို ဆို့သွားစေခဲ့တာပါပဲ။
သူဟာ .. .. .. သိုးရေခြုံထဲထားတဲ့ ၀ံပုလွေ တစ်ကောင်သာ ဖြစ်နေခဲ့တယ်။
အဲဒါနဲ့ ကျွန်တော်လည်း တခြား သိုးတွေကို ဖမ်းဖို့ လုပ်ရတော့တယ်။ လှံနဲ့ ပစ်နိုင်တဲ့ ကောင်လည်းပစ်၊ ပြေးတဲ့ကောင်လည်း ပြေး၊ အနားမှာ ကြိုးထောင်ထားတဲ့ ညွတ်ကွင်းမိတဲ့ ကောင်ကလည်း မိနဲ့ တကယ်တမ်းကျတော့ သိုးတွေ အကုန်ဟာ ၀ံပုလွေတွေသာ ဖြစ်နေခဲ့တယ်။
အဲဒီမှာ ကျွန်တော့်ကို လှံမပစ်ခင် အကြာကြီး တွေဝေစေခဲ့တဲ့ အတွေးကို ၀မ်းနည်းစွာ အတည်ပြုလိုက်ရ ပါတော့တယ်။ တကယ်ပဲ ကျိန်းသေပါတယ်။ ကျွန်တော် ဖြစ်လာခဲ့တာလည်း ကြာပြီ။ အတွေ့အကြုံလည်း များပါပြီ။
သေချာတာကတော့ ဒီလောကမှာ သိုးဆိုလို့ (လုံးဝ) မရှိပါဘူး။ တကယ်တမ်း သိုးအုပ်တွေဆိုတာလည်း ၀ံပုလွေတွေက သိုးရေတွေ ခြုံထားကြတာချည်းပါပဲ။
သွန်းနေစိုး

(မောင်သောတရဲ့ကဗျာလေးပါ)
တစ်ယောက်သောသူကို
တစ်ခုသောနှလုံးသားနဲ့
တစ်သက်လုံးမမုန်းပဲ
တစ်ဘ၀လုံးချစ်ပရစေ…
တစ်ချိန်ကပေးခဲ့ဖူးသော
တစ်ထဲသောအချစ်ကို
တစ်ယောက်တည်းကိုပဲ
ပေးချင်တာပါ..နော်
မြူနှင်းဆိုင်းတဲ့ဒို့မြို့လေးမှာ
လွမ်းစိတ်တက်အောင်မလုပ်ပါနဲ့..
ချစ်သူရယ်…

သောတ
အချစ်ကဗျာတွေမရှိလို့ သူငယ်ချင်းတစ်ယောက်ကဗျာကို တင်လိုက်တာပါ။

သံသရာဆိုတာ
ဘောလုံးကွင်းတစ်ခုဖြစ်ခဲ့ရင်
တစ်ဘ၀စာ
ပွဲသိမ်းခရာမမှုတ်မချင်း
ငါ ဒီဘောလုံးကွင်းထဲမှာ ဆက်ရှိမယ်။

ရုန်းရင်းကန်ရင်းနဲ့ပဲ
ရင့်ကျက်မှုကို အပြေးအလွှားရှာဖွေနေရ
သင်္ခန်းစာတွေ
တစ်ကိုယ်လုံး စိုရွှဲလို့
ကံကြမ္မာကို လျှောထိုးဖြတ်ထုတ်ဖို့ ကြိုးစားရင်း
နောင်တမြက်ခင်းပေါ်လဲလဲကျ။

လေ့ကျင့်မှုမလောက်မင
ကြံ့ခိုင်မှု မပြည့်ဝသေးခင်
ပွဲကြပ်နဲ့ရင်ဆိုင်ရတော့
လောကဓံကို
ခံစစ်နဲ့ထိန်းဆော့နေရတယ်။

စိတ်ဓာတ်သာမပျော့ညံ့သေးရင်
နောက်ဆုံးမိနစ်အထိ
ဂိုးသွင်းခွင့်ရှိတယ်။ ။

သေမင်းတမာန် (ခေတ္တ = လူ့ပြည်)

ကျုပ်ဟာဝံပုလွေတစ်ကောင်ပါ။ ၀ံပုလွေဖြစ်တဲ့အတွက် ကျုပ်ကိုယ်ကျုပ် ဘယ်တုန်းကမှ မရှက်ခဲ့ဘူး။ ၀မ်းလည်းမနည်းခဲ့ဘူး။ ဒါပေမယ့် ကျုပ်မှာ ဒေါသထွက်ရတာတော့ရှိတယ်။ ဘယ့်နှယ့်ဗျာ လောကကြီးကိုကမကောင်းတာ။ မတရားလိုက်ပုံများ။ နေရင်းထိုင်ရင်းနဲ့ ကျုပ်တို့ဝံပုလွေတွေဟာ ယုတ်မာသတဲ့။ ကောက်ကျစ်သတဲ့။ ကျုပ်တို့က ဘာများယုတ်မာလို့တုန်း။ ကျုပ်တို့အစာဖြစ်တဲ့ သားကောင်တွေကို ကျုပ်တို့တတ်စွမ်းသလို နည်းလမ်းနဲ့ ရှာဖွေစားသောက်တယ်။ ဒါကိုပဲ ယုတ်မာတယ်လို့ခေါ်မလား။
တခြားအကောင်တွေကရော.. သူတို့လည်း သားကောင်တွေ ဘာတွေဖမ်းပြီး စားကြတာပဲ။ သူတို့ကျတော့ ယုတ်မာတယ်လို့မပြောကြဘူးဗျာ။ ဥပမာ.. ဇီးကွက်လိုအကောင်မျိုး။ မျက်လုံးကပြူးပြူးနဲ့ ညမှသာ ထွက်ရဲတဲ့ အဲဒီအကောင်ကိုကျတော့ ပညာရှိဇီးကွက်တဲ့။ လာဘ်ကောင်တဲ့။ ဧည့်ခန်းတွေဘာတွေထဲက စင်မြင့်တွေဘာတွေပေါ်မှာ တရိုတသေထားကြတယ်။ ကျုပ်တို့ကိုလည်း အဲဒီလိုပဲ ပညာရှိဝံပုလွေတို့၊ လာဘ်ကောင်ဝံပုလွေတို့ ဆိုပြီး သူ့လို စင်ပေါ်တင်ထားပါလားဗျာ… ဘယ်လောက်များ ကျုပ်တို့ ကျေးဇူးတင်လိုက်မလဲ။ တကယ်တမ်း အဲဒီဇီးကွက်ဆိုတဲ့ ကောင်ကလည်း သူကိုယ်တိုင်တောင် တစ်နေ့စာတစ်နေ့ ပင်ပန်းကြီးစွာ ရှာဖွေစားသောက်နေရတဲ့ဟာကို။ စီးပွားရေးတွေ ဘာတွေ တိုးအောင် ဘယ်လိုလုပ်နိုင်မှာလဲ။ တိရစ္ဆာန်ခြင်းအတူတူဟာကို အဆင့်အတန်းခွဲခံရတာလောက် အသည်းနာစရာမရှိပါဘူးဗျာ…။
အံမယ်၊ ဒါတင်မကသေးဘူး။ ကျုပ်တို့ဇာတ်သိမ်းလည်း ဘယ်တော့မှမကောင်းဘူးဗျ။ ရှိသမျှပုံပြင်တိုင်းလိုလိုမှာ ကျုပ်တို့ဟာ အသေဆိုးနဲ့သေရတာတို့။ နောက်ဆုံး အရှက်ရပြီး ထွက်ပြေးရတာတို့ချည်းပဲ။ ကျုပ်တို့မှာဗျာ၊ ကောက်လည်း ကောက်ကျစ်ရသေးတယ်။ ဘယ်တော့မှလည်းအနိုင်ရလိုက်တယ်ကို မရှိဘူး။ အထူးသဖြင့် ပုံပြင်တစ်ပုဒ်ထဲမှာဆိုရင် တော်တော်ကို ဆိုးတယ်။ အဲဒီပုံပြင်ထဲမှာ ကျုပ်တို့ဟာ ဘာမှမဟုတ်ဘဲ နေရင်းထိုင်ရင်းကြီးကို အသက်ထွက်သွားရတယ်။ ကျုပ်တို့အကောင်းကြံတယ်ဆိုတဲ့ သားကောင်ကိုလည်း ဘာမှဒုက္ခမပေးလိုက်နိုင်ဘူး။ အဲဒီကောင်ကတော့ သိတောင်မှ သိလိုက်ရဲ့လားမသိပါဘူးဗျာ…။
ပုံပြင်ကဒီလိုဗျ..။ အားလုံးပဲ ကြားဖူးပြီးသားတော့ ဖြစ်မှာပါ။
တစ်ခါက ၀ံပုလွေတစ်ကောင်ဟာ သိုးတွေကိုစားချင်တဲ့အတွက် (သူတို့အဆိုအရတော့) မကောင်းတဲ့အကြံအစည် တစ်ခုကိုကြံပါသတဲ့။ လုပ်ပုံကတော့ သူ(အဲဒီဝံပုလွေ)ဟာ သိုးအုပ်တစ်အုပ်ထဲကို သိုးရေခြုံဝင်သတဲ့။ သိုးယောင်ဆောင်ပြီး သိုးတွေကို ဖမ်းစားမယ်ပေါ့။ ဒါပေမယ့် ဘယ်သိုးကိုမှ မစားနိုင်ခင်မှာပဲ သူဟာ သိုးတွေကိုဖမ်းဖို့ ချုံဖုတ်ထဲကစောင့်နေသူ မုဆိုးရဲ့ သိုးထင်ပြီးသူ့ဆီပစ်လိုက်တဲ့ လှံချက်နဲ့ သေဆုံးရပါသတဲ့။
အဲဒီပုံပြင်ကိုကြားရတိုင်းပဲ ကျုပ်ရင်ထဲမှာ တနုံ့နုံ့ခံစားရတယ်။ ယုတ္တိမရှိလိုက်တဲ့ ပုံပြင်ကြီးကွာလို့လည်း စိတ်ထဲမှာ အောင့်သက်သက်နဲ့။ ဘယ်နဲ့ဗျာ။ ကျုပ်တို့ဝံပုလွေတွေဟာ အဲဒီလောက်ပဲ သတ္တိနည်းရမှာလား။ သိုးသားစားချင်တာများ အတင်းလိုက်ကိုက်ဖြတ်ပြီး စားလိုက်ရုံပေါ့။ သိုးဖမ်းတာပဲဗျာ။ ကျားဖမ်းတာမှမဟုတ်ဘဲ။ ဟန်ဆောင်ပြီး သိုးရေတွေ ဘာတွေ ခြုံနေဖို့မလိုပါဘူး။
အခုတော့ ကျုပ်တို့ဝံပုလွေသိက္ခာကို သက်သက်ချတာဗျ။ ဘယ့်နှယ့် အဲ့ဒီဝံပုလွေဟာ သိုးအရေခြုံပြီး သိုးအုပ်ထဲ တကယ်ပဲ ၀င်တယ်ထားအုံး။ အဲဒီလို မလုပ်ခင် သူနည်းနည်းမှ မစူးစမ်းတော့ဘူးတဲ့လား။ လှံတစ်ပစ်လောက်စာလေးအကွာမှာ မုဆိုးရှိနေတာကိုတောင် မသိနိုင်အောင်ဘဲ သူဟာ ထုံအနေခဲ့သလား။ နောက်ပြီး မုဆိုးပစ်လိုက်တဲ့လှံရဲ့ အသံကိုရော သူမကြားဘူးလား။ အင်မတန်လျှင်မြန်တဲ့ မျိုးနွယ်ဝင်ဖြစ်တဲ့ အဲဒီဝံပုလွေဟာ လှံပစ်လိုက်သံကြားတဲ့ အချိန်မှာရော သူ မရှောင်နိုင်ဘူးလား။ သူများအုပ်စုထဲဝင်တဲ့အချိန် (အင်မတန်သတိရှိနေရမဲ့ အချိန်) မှာတောင် သူဟာ သတိလက်လွတ်ဖြစ်နေခဲ့ရသလား။
တွေးရင်း တွေးရင်းနဲ့ ကျုပ်မှာ ဒေါသတွေ ဖြစ်သထက်ဖြစ်လာတယ်။ အံတကြိတ်ကြိတ် တောက်တခေါက်ခေါက်နဲ့ အဲ့ဒီ ယုတ္တိမရှိတဲ့ပုံပြင်ကြီးရှိနေတဲ့အတွက် ဘယ်သူ့ကိုအပြစ်ဆိုရမှန်းလဲမသိဘူး။ ရက်ပေါင်းများစွာ ကျွန်တော်ဟာ အဲဒါကြီးနဲ့ ခေါင်းခဲပြီးတဲ့နောက်မှာပဲ ကျွန်တော် ဆုံးဖြတ်ချက်တစ်ခုကို ချမိတော့တယ်။ အဲဒါကတော့ အင်မတန် စွန့်စားရမယ့် ကိစ္စကြီးတစ်ခုဖြစ်တဲ့ ကျုပ်ကိုယ်တိုင် ပုံပြင်ထဲ ၀င်ဖို့ပါပဲ။
အတန်တန် စဉ်းစားခဲ့ပြီးမှ နောက်ဆုံး ထွက်လာတဲ့ ဒီနည်းလမ်းကသာ ကျုပ်ရဲ့ စိတ်ကို ကျေလည်စေခဲ့တယ်။ ဒီလောက်တောင် ယုတ်မာတယ်လို့ ကောက်ကျစ်တယ်လို့ အပြောခံရတဲ့ ၀ံပုလွေတစ်ကောင်အနေနဲ့ သိုးရေခြုံပြီးတော့ သိုးအုပ်ထဲကသိုးတစ်ကောင်ကို အောင်အောင်မြင်မြင်စားပြလိုက်အုံးမယ်။ ကျွန်တော့်ရဲ့ တကယ့်စိတ်ရင်းအတိုင်းဆိုရင်တော့ သိုးလောက်ကိုပြောင်ပြောင်တင်းတင်း ဖမ်းပြီးသာ စားမှာဖြစ်ပေမယ့် ကျွန်တော်တို့ ၀ံပုလွေတွေသိပ်မညံ့ကြောင်း ပြချင်တဲ့အတွက် ဖြစ်အောင်ကို လုပ်ပြအုံးမယ်။ မုဆိုးရဲ့အန္တရာယ် ရှိနေမှန်းသိပေမယ့်လည်း အဲ့ဒါကို လုပ်ဖြစ်အောင် ကျွန်တော်လုပ်ပြပါအုံးမယ်။
အဲဒီလို ခိုင်မာစွာဆုံးဖြတ်ချက်ချပြီးတာနဲ့ပဲ ကျုပ်ဟာ အသေအချာ ပြင်ဆင်ခဲ့ပါတယ်။ မုဆိုးကို အနံ့ခံဖို့ နားကို ရှင်ရှင်ထားနိုင်ဖို့ ဖျတ်လတ်သွက်လက်ဖို့နဲ့ သိုးတစ်ကောင်အဖြစ် ပိပိရိရိ သရုပ်ဆောင်နိုင်ဖို့ကိုပါ။ ကျုပ်သေသေချာချာ လေ့ကျင့်ခဲ့တယ်။ သိပ်တော့လည်း မကြာလိုက်ရပါဘူး။ ရက်ကလေးနည်းနည်းလောက် ကြိုးစားလိုက်တာနဲ့ပဲ ကျုပ်ဟာ ခိုင်ခိုင်လုံလုံကို ပြီးပြည့်စုံသွားခဲ့ပါပြီ..။ ပုံပြင်ထဲကိုဝင်ဖို့အတွက် ကျုပ်ဟာ သက်တောင့်သက်သာပဲ အသင့်ဖြစ်ခဲ့ပါတော့တယ်။

2။ ပုံပြင်ထဲက ၀ံပုလွေ (နောက်တစ်ပတ်ဆက်ပါအုံးမည်)

မနက်ဖြန်ဆိုတာ
မသေချာသေးတဲ့ငါ့အတွက်
မနေ့ကပန်းချီကားတစ်ချပ်ပဲ
မြင်မြင်နေရတယ်။

ရယ်မောခြင်းအပိုင်းအစတွေ
နေရာအနှံ့ကျဲပြန့်နေတာတောင်
မျက်နှာကြောတွေတင်းမာနေခဲ့။

လမင်းကသာနေသလောက်
ငါ့ကမ္ဘာပေါ်တိမ်တွေအိပ်ပျော်နေတယ်။

ခြေလှမ်းဖို့အားယူလိုက်တိုင်း
သုဿာန်ထဲကခွေးအူသံတွေကြောင့်
အင်အားတွေချိနဲ့နဲ့ဖြစ်ခဲ့။

ဆယ်ဂဏန်းက
အမြင့်မတတ်တာပြဿနာမရှိဘူး
ခုဟာက
စာကလေးတောင်ပံကျိုးသွားတာ။

ထားလိုက်ပါ…
သံသရာရှည်ရုံကလွဲလို့
ရေတစ်ပွက်မှာတော့
လှေကားမရှိဘူး။

သေမင်းတမာန် (ခေတ္တ = လူ့ပြည်)

ကျွန်တော်သည်..အမြီးပြတ်နေသည့် ခွေးတစ်ကောင်.. ဖြစ်ပါသည်။ အီစွတ်ပုံပြင်များကိုဖတ်ဖူးလျှင် သင်..ကျွန်တော့်ကိုသိပါလိမ့်မည်။ မိမိတွင် အမြီးပြတ်နေသည့်အတူတူ တခြားခွေးတွေကိုပါ အမြီးတွေဖြတ်ပစ်လိုက်ဖို့ရန် တိုက်တွန်းခဲ့သော ပုံပြင်ထဲမှခွေးသည် ကွန်တော်ပင်ဖြစ်ပါသည်။ စင်စစ် ထိုကိစ္စသည် ကျွန်တော်၏ ယုတ်မာ မနာလိုမှု တစ်ခု မဟုတ်ဘဲ ခွေးဘောင်လောကကြီးတစ်ခုလုံးကို ကယ်တင်ရန်ကြိုးပမ်းခဲ့သော ကျွန်တော်၏ အားထုတ်မှုတစ်ရပ်သာ ဖြစ်သည့်အကြောင်း ဤနေရာမှနေ၍ ဖြေရှင်းပါရစေ…
ကြောက်ရွံ့စရာရှိလျှင် အမြီးကုပ်ခြင်း၊ ကျွန်တော်တို့ ခွေးများ၏ `ဟန်မဆောင်တတ်သည့် အားနည်းချက်´ ဖြစ်၏။ လူတွေကတော့ သည်လိုမဟုတ်ပါ။ ကြောက်ရွံ့သော်လည်း မကြောက်ရွံ့ချင်ယောင် ဟန်ဆောင်ထားနိုင်ကြ၏။ ပျော်ရွှင်ဝမ်းမြောက်သည့်တိုင် သူတို့၏နှုတ်ခမ်းများကို မဲ့ထားနိုင်စွမ်းရှိကြ၏။ အဲသလို စွမ်းဆောင်ရည်ထူးကဲသော ဟန်ဆောင်မှုမျိုးရချင်လျှင် ခွေးများတွင် အမြီးမရှိမှသာ ဖြစ်ပေလိမ့်မည်။
မယားငယ် ချိုင်းမွှေးကိုသာ မြတ်နိုးရိုသေတတ်ကြပြီး `ရိုးသားခြင်း´ကို အလေးအနက်ထားရကောင်းမှန်း မသိသော `လူများ´ အတွက် ခွေးတစ်ကောင်၏ခံစားချက်ကို ကျေးဇူးပြု၍ နားလည်ခွင့်လွှတ်ပေးစေလိုပါသည်။
တကယ်ပင် လူတွေက ရိုးသားခြင်းကို နေရာမပေးချင်ကြပါ။ …အမြီးသည် ခွေးတစ်ကောင်၏ ရိုးသားမှုဖြစ်သည်… ဆိုသည့် အချက်ကိုလည်း အသိအမှတ်မပြုကြပါ။ `ခွေးမြီးကောက် ကျည်ထောက်စွပ်´ ဟူသည့်စကားပုံကို သင်ကြားဖူးသည်မဟုတ်လား။ ပြုပြင်သွန်သင်ဆုံးမ၍မရသော `လူ´များကို ခွေးအမြီးနှင့် ခိုင်းနှိုင်းထားခြင်း ဖြစ်ပါသည်။ ခွေးအမြီးကို ၀ါးကျည်ထောက်စွပ်ပြီး ဖြောင့်အောင်ကြိုးစားကြည့်သော်လည်း နဂိုအတိုင်း ကောက်မြဲကောက်နေသည်ဟု ဆိုလိုပုံရ၏။ တကယ်ဆိုလျှင် သည်ကိစ္စတွင် ခွေးအမြီးကိုတရားခံလုပ်စရာ ဘာအကြောင်းမှမရှိပါ။ အမြီးကောက် နေသည်ကို ဖြောင့်ပေးဖို့ရန် အလှပြင်ဆိုင်သွားအပ်သည့်ခွေးဟူ၍ သင်ကြားဖူးပါသလား။ သူ့ဘာသာသူ ရိုးရိုးသားသား ကျေကျေနပ်နပ် ကောက်နေသည့်အမြီးကို မနေနိုင် မထိုင်နိုင် ဖြောင့်ပေးဖို့ရန် လက်ဆော့ပြီး ၀ါးကျည်ထောက် သွားစွပ်သူမှာသာ အပြစ်ရှိပါသည်။ ကမ္ဘာဦးအစကတည်းက ကောက်နေသည့်ခွေးအမြီးသည် (ကျွန်တော်သိရသလောက်) မည်သူ့ကိုမှ ဒုက္ခပေးခဲ့ဖူးခြင်းမရှိပါ။
ခွေးငယ်များ၏ရှေ့ရေးကို ကယ်တင်ရန်အတွက် ခွေးအပေါင်းတို့ မျက်နှာငယ်စရာဖြစ်စေသည့် အမြီးများကို ဖြတ်တောက်ပစ်ဖို့ ကျွန်တော်တိုက်တွန်းနှိုးဆော်ခဲ့ရသည့် အကြောင်း သဘောပေါက်လောက်ပြီထင်ပါသည်။
အကယ်၍ သင်သာ ဘ၀တစ်ခုခုတွင် ခွေးဖြစ်ရပါက သင့်အမြီးကိုဖြတ်ပစ်ပါမည်ဟု ကျွန်တော့်အား ကတိပေးနိုင်ပါမည်လား။
နောက်အပါက်၌ နိဂုံးအပိုင်းကိုတင်ပြပါအုံးမည်။
သေမင်းတမာန် (ခေတ္တ = လူ့ပြည်)

သူတစ်စိမ်း နိဂုံးပိုင်းကိုသာ တင်ဆက်ပါတော့မည်။
မတင်ဖြစ်ခဲ့သောရှေ့အပိုင်းများအတွက် နောင်အလျဉ်းသင့်သောအခါမှသာ ပြန်လည်တင်ပို့ပေးပါအုံးမည်။
ကျေးဇူးပြု၍ ကျွန်တော့်ကိုလည်း ………………………
နိဂုံးချုပ်အနေနဲ့ပြောရလျှင် ကျွန်တော်သည် ..မြက်ပင်.. တစ်ပင်လည်းဖြစ်ပါသည်။ `သစ်တစ်ပင်ကောင်းငှက်တစ်သောင်းနားနိုင်´ ဟူသောစကားအရဆိုလျှင် ကျွန်တော်သည် သစ်ပင်ကောင်းတစ်ပင် မဟုတ်သလိုလို ဘာလိုလို … ဖြစ်နေ၏။ ကျွန်တော်ကတော့ သစ်ပင်ဆိုသည်မှာ ငှက်တွေနားဖို့ ရည်ရွယ်ချက်ဖြင့် ပေါက်ပေးရတာလား၊ သူ့ဘာသာသူ ပေါက်စရာအကြောင်းရှိသောကြောင့် ပေါက်ရတာလား … ဆိုသည်ကို စဉ်းစားနေမိပါသည်။ ကျွန်တော်သည် မြက်ပင် ဖြစ်နေသောကြောင့် ကျွန်တော့်အပေါ်တွင် ငှက်တစ်ကောင်မှနားရန် မဖြစ်နိုင်ပါ။ လူ့ဘ၀… ဆိုသည်မှာ ငှက်တွေနားဖို့ရန် ပေါက်လာပေးရသော သစ်ပင်တစ်ပင်မဟုတ်ကြောင်းနှင့် သူ့နည်းသူ့ဟန်နှင့် သူတောင်းနေခွင့် ရှိသည့်အကြောင်း သင်တို့ကို အားလပ်သည့်အခါများတွင် ပြောပြဦးမည်ဟု ကျွန်တော်စိတ်ကူးထားပါသည်။
ကံသာလျှင်အမိ ကံသာလျှင်မဖ´ ဟုပြောတတ်သူများနှင့်တွေ့လျှင် မှတ်ပုံတင်တောင်းကြည့်လိုက်ပါ။ အဖအမည်=ဦးကံ၊ အမိအမည်=ဒေါ်ကံဟု ရေးထားလိမ့်မည်မဟုတ်သည်ကတော့ သေချာပါသည်။ ကျွန်တော့်အဖေနှင့် အမေသည် ဦးကံနှင့်ဒေါ်ကံမဟုတ်ပါ။ ထို့ကြောင့်ကျွန်တော့်နာမည်ကလည်း မောင်ကံမဟုတ်ပါ။ ကျွန်တော့်နာမည် မောင်ကံမဟုတ်သောကြောင့် ကျွန်တော်အိမ်ထောင်ကျသောအခါ မွေးလာမည့်ကျွန်တော့်သားသမီးများကလည်း ငကံ.မိကံ တို့မဟုတ်ကြတော့ပါ။ သူတို့အနေနဲ့ကလည်း မိဘအမည်ကို အလွဲပြောကြမည်မဟုတ်ကြပါ။
ကျွန်တော်သည် ကြောင်သော်လည်းကောင်း၊ ခွေးသော်လည်းကောင်း၊ မြက်ပင်သော်လည်းကောင်း၊ မည်မျှပင် ဆိုးဆိုးရွားရွား ဖြစ်နေစေကာမူ ကျွန်တော့်အဖေနှင့်အမေတို့၏နာမည်ကို ဦးကံနှင့်ဒေါ်ကံအဖြစ် ပြောင်းလိမ့်မည်မဟုတ်ပါ။
ကျွန်တော်သည်…. ကျွန်တော်သာလျှင် ဖြစ်ပါသည်။
မင်းခိုက်စိုးစံ… ၏ သူတစ်စိမ်း ဤတွင်ဗရမ်းဗတာဖြင့် အဆုံးသတ်လိုက်ရပါကြောင်း …
သေမင်းတမာန် (ခေတ္တ = လူ့ပြည်)
နောင်အလျဉ်းသင့်ရင်သင့်သလို သွန်းနေစိုးရဲ့ ၀ံပုလွေကိုလည်း ဆက်လက်တင်ပြပါအုံးမည်။

လူဆိုတာ
လွတ်လပ်စွာရွေးချယ်ပိုင်ခွင့်ရှိပါတယ်။
ဒါပေမဲ့……
ပန်းကုံးချင်းအတူတူ
တံချူက အမျိုးမျိုး ….

မရိုးသားခြင်း သီတံချည်ကြိုးထက်မှာ
မာန်တန်ခိုးတက်နေရှာတဲ့ ပန်းတစ်ချို့
ကို့ယို့ကားယား မို့မို့ကြွားကြွား
သတ်ပုံမှားတဲ့စာသားတွေလို
လူကြားကောင်းပေမဲ့
လူမြင်မကောင်းခဲ့။

ငါက..
လူကြားသူကြားကောင်းပန်းတစ်ကုံးထက်
ပန်းကုံးမဲ့လည်တိုင်ကိုသာ
ပိုင်ဆိုင်ချင်တဲ့သူ…..။
ဘူတာက တူပါလျှက်
ခရီးသည်ချင်းကွာခြားသွားသလိုမျိုး…
ကြိုးစားမှုမှာ ”တော်ကီ”တွေ မလိုပါဘူး…။
ရိုးသားမှုမှာ ”ကော်ပီ”တွေ မလိုပါဘူး..။

သက္ကရာဇ်

(မင်းခိုက်စိုးစံ ရဲ့ ဂျစ်ပစီတစ်ယောက်ရဲ့ရင်ကွဲပက်လက်လမ်းဆုံ စာအုပ်ထဲမှကဗျာရေးဟန်အတိုင်း ရေးသားထားတဲ့ ကဗျာလေးပါ။

ဖတ်ကြည့်ကြစေလိုပါတယ်။ နောက်ပြီး ဝေဘန်ပေးကြပါ။)

ဂျစ်ပစီ

ထူးထူးထွေထွေ
ဆွေးနွေးစရာမရှိဘူးဆိုရင်
ငါ စာပဲဖတ်နေပါရစေ…

ဂျီတော့လေးဖွင့်ထားမိတာနဲ့
ဘာဖြစ်လို့ Q တယ်လို့ထင်ရတာလဲ
ငါကတော့
အွန်လိုင်းဂျပိုးဖြစ်ရတာကိုပဲနှစ်သတ်တယ်…

ဇာတ်တော်ထဲက ဘုရားအလောင်းလိုတော့
ငါလဲဘယ်ကောင်းနိုင်ပါမလဲ
ပုထုဇဉ်ပီပီ
ကဲ့ရဲ့မှုတွေနဲ့ပဲဂုဏ်ယူတတ်တယ်…

တရားစခန်းတွေဝင်မှ
သောတာပန်ဖြစ်မယ်ဆိုရင်
ငါ ရဟန္တာတောင်မဖြစ်ချင်ဘူး။
တစ်ဆိတ်လောက်
ငါ့ကို ..ငကြောင်.. လို့သတ်မှတ်ပေးပါ…

ငါမသိတာတွေအားလုံးအတွက်
အလွယ်တကူ
ရူးချင်ယောင်ပဲဆောင်နေလိုက်ရုံ…
ကဲ…ငါဘယ်လောက်များလွတ်လပ်သလဲကွယ်။
ဟောဒီခပ်ကြောင်ကြောင်ကောင်မှာ
မျှော်လင့်ခြင်းပန်းတစ်ခင်းဆိုတာရှိပါတယ်။

ငါ့ကိုဂုဏ်ပြုပူဇော်ဖို့မလို
ငါ့ကိုယ်ငါတောင်ငါမသိ
ငါ့ခရီးမှာလည်း
ဘယ်ထီးမှဆောင်းနေစရာမလိုပေဘူး။

အို…အသင်လောက
သူ့အတွေးနဲ့သူ
အကြောင်းပြချက်ခိုင်မာစွာမှန်ကန်ကြ
ဂုဏ်တွေရဖို့အတွက်
အပြစ်တွေကိုလက္ခံယူကြ။

င့ါအနေနဲ့
ဆန့်ကျင်ဘက်ကိုဝတ်ရုံပြီး
ကိုယ့်အမြင်နဲ့ကိုယ်
လောကကြီးကိုကြည့်တယ်။

နာမည်ကျော်တွေကို လေးစားတယ်
ဒါပေမယ့်
ငါ့လိုတော့ မင့်တို့တစ်တွေ
ကောင်းကောင်းလွတ်လပ်မှု မရလိုက်ကြဘူး။ ။

သေမင်းတမာန် (ခေတ္တ = လူ့ပြည်)

ကျွန်တော်သည် `နှံကောင်´တစ်ကောင်ဖြစ်ပါသည်။ လောလောဆယ်တွင် ကျွန်တော်အစာရေစာငက်မွတ်လျက်ရှိသည်ဟု ပြောလျှင် သင်တို့အနေဖြင့် (ပုရွက်ဆိတ်နှင့်နှံကောင်) ပုံပြင်ကိုချက်ချင်းသတိရကြလိမ့်မည်ထင်၏။ သင်ထင်ထားသည့် အတိုင်းပင်ဖြစ်ပါသည်။ ကျွန်တော့်ထံသို့ပုရွက်ဆိတ်တစ်ကောင်ရောက်လာ၏။ “သင့်အနေနဲ့ အချိန်ရှိတုန်းကတော့ အစာစုဆောင်းတဲ့အလုပ်ကိုမလုပ်ဘဲ အချိန်ဖြုန်းနေခဲ့ပြီး အခုမှ ကျွန်ုပ်စုဆောင်းထားတဲ့ အစားကိုတောင်းဖို့စိတ်မကူးပါနဲ့။ မပေးနိုင်ဘူး။´´ ဟုပြော၏။ ကျွန်တော်အတော်စိတ်ဆိုးသွားပါသည်။ ဘာဖြစ်လို့များ နီတိတွေ ပုံပြင်တွေထဲကအတိုင်း အားလုံးကလိုက်ပြီး သရုပ်ဆောင်နေကြပါလိမ့်ဟုလည်းတွေးမိ၏။ တကယ်ဆိုလျှင် ထို“ပုရွက်ဆိတ်နှင့်နှံကောင်´´ ပုံပြင်ဟာ အတော်ရယ်စရာကောင်းပါသည်။ နှံကောင်ကဘယ်လိုအကြောင်းနဲ့မှ ပုရွက်ဆိတ်၏အစာကို တောင်းစားဖို့ မဖြစ်နိုင်ပါ။ (စားသောအစာချင်းမတူသောကြောင့်ဖြစ်ပါသည်။)
နှံကောင်သည် အက်ကရီဒိုင်အီဒေး (Acridiidae) အုပ်စုဝင်ပိုးမွှားတစ်မျိုးဖြစ်ပြီး သစ်ရွက်စိမ်းများနှင့် သစ်ပင်ငယ်တို့၏ပင်စည်များကိုသာစားသောက်တတ်သော သတ္တ၀ါဖြစ်ပါသည်။ ပုရွက်ဆိတ်မှာမူဟိုင်မင်နော့ပ်တဲရား(Hymenoptera) အုပ်စုဝင် ဖော်မစ်ဒီမျိုးစိတ်ဖြစ်သောကြောင့် ပျားရည်၊ သကြား၊ ထမင်းတို့ကဲ့သို့ အချိုရည်ပါသော ပစ္စည်း၊ အသားအစအန များနှင့် ပိုးမွှားများကိုစားပါသည်။ ပုရွက်ဆိတ်လိုမျိုး အစာကိုကြိုကြိုတင်တင် မစုဆောင်းထားရ ကောင်းလားဟု အပြစ်တင် နေမည့်အစား နှံကောင်စားသောအစားအစာသည် စုဆောင်းသိုလှောင်ထားရန် မဖြစ်နိုင်သော သဘာဝရှိကြောင်း အရင် နားလည်အောင် ကြိုးစားသင့်ပါသည်။
“ချွေတာစုဆောင်း သူဌေးလောင်း´´ ဆိုသည့်စကားကို မှားသည်ဟု ကျွန်တော်ပစ်ပစ်ခါခါ မပြောလိုပါ။ နှံကောင်အနေဖြင့် စုတတ်ဆောင်းတတ်မည်ဆိုလျှင် သစ်ရွက်ခြောက်များနှင့် သစ်ပင်ဆွေးများကို ပိုင်ဆိုင်သော ဇောတိကတစ်ကောင် ဖြစ်လာနိုင်စရာရှိသည်ဟုသာ ဖြေတွေးလိုက်ပါသည်။ ချွေတာစုဆောင်းနိုင်ရန် အခွင့်အလမ်း နည်းပါးလွန်းလှသည့်ဘ၀များသည် လောကမှာရှိနေသေးသည့်အကြောင်း အခွင့်အလမ်းသာသည့် တစ်ချိန်ချိန်တွင် ကျွန်တော် ပုံပြင်တစ်ပုဒ်ရေးပါအုံးမည်။
(မူရင်း = www.cherrythitsar.org မှ ကူးယူဖေါ်ပြထားပါသည်။)

နောင်လဲယခုလို အတွေးအခေါ်စာပေများကို တွေ့မိရင်တွေ့မိသလောက် ဆက်လက်၍ဖြန့်ဝေပါအုံးမည်။ မျှော်လင့်စောင့်စား၍ ဖတ်ရှုကြပါကုန်…..
သေမင်းတမာန်.. (ခေတ္တ = လူ့ပြည်)

ကြယ်တွေငိုသံကြားတယ်
နေမင်းရဲ့ဈာပနကို
ကမ္ဘာစောင့်နတ်တွေမျက်ကွယ်ပြုထားလို့ထင်တယ်…

ပန်းတွေငိုသံကြားတယ်
ဥယ်ာဥ္ထဲကေရေတြကို
မြေလွှာတွေသောက်သုံးသွားလို့ထင်တယ်…

ကြွက်တွေရယ်သံကြားတယ်
တမာန်တော်ကြောင်မင်းကို
ဖန်ဆင်းရှင်အိပ်ဆေးတိုက်ထားလို့ထင်ပါရဲ့။

ဒီလိုနဲ့
တဒင်္ဂတွေ ဒဏ်ရာကိုယ်စီထုပ်ပိုးလို့
သေမင်းရဲ့တက်ခေါက်သံကိုထိတ်လန့်နေရတယ်…

မိုးနတ်မင်းဆိုတဲ့ကောင်ကလဲ
မညှာမတာ
မာယာမိုးတွေရွာချ
ငါကတော့
အိပ်ယာထစောခဲ့တယ်။ ။

သေမင်းတမာန် (ခေတ္တ - လူ့ပြည်)